Әнші Гауһар Әлімбекова 6 жылға сотталды

1619
Жаға ұстатарлық жаңалық. Қазақ келіндеріне өсиет айтып келген әнші Гауһар Әлімбекова сотталды.
Қазақстандық танымал әнші істі болды. Әнші Гауһар Әлімбековаға қатысты сот отырысы өтіп, жаза тағайындалды, деп хабарлайды 31 арна.
Прокурор сотта Гауһар Әлімбекованы 8 жылға соттауды сұрады. Әнші алаяқтығы үшін істі болды. Алматы қаласы Алмалы аудандық сот шешіміне сәйкес, әнші 6 жылға бас бостандығынан айырылды.
Жәбірленуші Бақыт Назарова мен Гаухар Әлімбекова 15 жылдай жақын құрбы болған. Әнші құрбысынан 40 мың доллар ақша алып, Алматының “Ақкент” ауданынан пәтер алып беруге уәде берге. Алайда сол күйі ақшасын да қайтармай, үй де алып бермеген.
Жәбірленуші қаражатты тауып беру үшін көлігін сатып, несие алғанын айтады. Ол моральдық өтемақы ретінде 51 мың доллар мен 10 млн теңге талап етті. Сот оны ішінара ғана қабылдады. Айыпталушы жәбірленушіге 40 мың долларды қайтаруға міндеттелді.
“Мен осы уақытқа дейін Гауһарды күттім. Пенде ғой, барлық адам қателеседі дедім, тәубесіне келер дедім. Бірақ қазірдің өзінде бұл ісіне өкінбейтініне көзім жетті”, – дейді бұрынғы құрбысы, жәбірленуші Бақыт Назарова.
Әнші сот отырысында көз жасына ерік берді. Ол сот шешіміне келіспейтінін айтты.
Сот отырысынан соң әнші тілшілерге сұхбат берген жоқ.
“Пікір айтасыз ба?Аппелляциялық шағым түсіресіз бе?” деген сұраққа “Кейін” деп жауап берді.