Қазақстандық боксшы Қанат Ислам доминикандық қарсыласы Хулио де Хесусті жекпе-жектің бірінші раундының 10-секундында нокаутқа жіберді. Ол орта салмақ дәрежесінде WBO Inter-Continental белдігінің иесі атанды, деп хабарлайды Stan.kz ақпарат агенттігі.
Жекпе-жек Алматыдағы Балуан Шолақ атындағы спорт және мәдениет сарайында өтті.
Қанат Ислам жекпе-жекті белсенділікпен бастап, қарсыласына қорғаныс амалдары мен шабуыл жасауға мүмкіндік бермеді деуге болады. Ол алғашқы раундтың 10-секундында-ақ қарсыласын сұлатып түсірді.
Айта кетсек, жекпе-жек жалпы саны 14-секундқа созылды.
