Басты Шымкент Шымкентте «Нұр Отан» партиясының 20 жылдығы мен Алғыс айту күніне арналған жиын...
Салтанатты іс-шараға «Нұр Отан» партиясының қалалық филиалының төрағасы Ғабидолла Әбдірахымов, төрағаның бірінші орынбасары Бахадыр Нарымбетов, Шымкент қаласы мәслихатының хатшысы Ғани Ташқараев, партия филиалының Саяси кеңес мүшелері, мәслихат депутаттары, бастауыш партия ұйымдары мен мемлекеттік органдардың басшылары, зиялы қауым мен БАҚ өкілдері қатысты.
Жиында сөз алған Ғ.Әбдірахымов өткен 20 жылда партияның Елбасының ең сенімді тірегі және еліміздің жетекші саяси күші ретінде қалыптасып үлгергенін айтты. Елбасының мемлекеттің алдына бұрынғыдан да ауқымды стратегиялық мақсаттар қойып отырғанын айтқан шаһар басшысы Ғабидолла Әбдірахымов басты міндет – елді жүйелі жаңғырту арқылы әлемнің ең дамыған 30 мемлекетінің қатарына қосылу екеніне назар аударды.
– Елбасы «Нұр Отан» партиясының XVIII съезінде халықтың өмір сүру деңгейі мен сапасын көтеру, аз қамтылған азаматтардың тұрғын үй мәселелерін шешу бойынша нақты міндеттерді белгілеп берді. Бұл ретте Елбасы тапсырмасы аясында Шымкентте халықты мемлекеттік қолдаудың ауқымды шаралары жүйелі түрде іске асырылады. Әсіресе, қалада тұратын көпбалалы аналарға әлеуметтік тұрғыда жоғары деңгейде қолдау көрсетіледі, – деді қала әкімі.
Ғ.Әбдірахымов Алғыс айту күнінің мән-маңызына тоқталып, барша шымкенттіктерді мерекемен құттықтады. Мәжіліс соңында қалалық Қазақстан халқы Ассамблеясының бірқатар мүшелеріне ҚР Президенті, Қазақстан халқы Ассамблеясы төрағасы Нұрсұлтан Назарбаевтың қолы қойылған арнайы куәліктер табыс етілді.
Дереккөз:ШЫМКЕНТ ҚАЛАСЫ ӘКІМДІГІНІҢ РЕСМИ САЙТЫ
