Шымкент қаласында гуманитарлық жүктерді қабылдау тәулік бойына жүргізілуде
Арыстағы оқиға байланысты еліміздің өзге өңірлерінен гуманитарлық көмек келуде, деп хабарлайды ERNUR.KZ.
Қазіргі таңда Шымкент қаласы, Абай ауданы, Ынтымақ шағын ауданы 592/3, сауда логистикалық орталыққа Жамбыл облысынан 36 тонна азық-түлік тауарлары мен жеке тазалыққа арналған заттар келіп жетті.
![](http://static.ernur.kz/article/5d12ea85c1eee.jpg)
Атап айтқанда, 18 мың тонна бірінші санаттағы жұмыртқа, 10 тонна ұн, 1300 дана нан, 10 тонна қант, 2000 литр сүт жəне тағы басқа заттар жеткізілді.
![](http://static.ernur.kz/article/5d12ea98d0426.jpg)
Ал, кеше түнде бірнеше фуралармен Қызылорда облысынан гуманитарлық жүк жеткізілді.
![](http://static.ernur.kz/article/5d12eb1f1d4f9.jpg)
Алдағы уақытта басқа да өңірлерден көмек жүктері келеді деп күтілуде.