Орталық коммуникациялар қызметінде өткен баспасөз мәслихатында Денсаулық сақтау министрі Алексей Цой бірқатар мәлімдемелер жасады.
Соның бірі коронавирус инфекциясынан көз жұмған адамдарды жерлеу ережелері өзгертілді.
Тағы бір маңызды мәселе, соңғы кезде қызу талқыланып жатқан карантинді күшейтуге қатысты да сөз болды. Министрдің айтуынша, карантинді күшейту туралы нақты шешімді таяуда мемлекеттік комиссия қабылдайды.
«Өңірлердегі эпидемиологиялық жағдай мен бизнеске және қалыптасқан эпидемиологиялық жағдайға әсерді ескере отырып, біз бірнеше нұсқаны ұсындық: карантин енгізу немесе қазір әзірленген қатаң шектеу шараларын енгізу. Соңғы шешімді мемлекеттік комиссия жақын арада қабылдайды», — деді Алексей Цой.
Abai.kz
