Айбек Нұғымаров екі дүркін «Әлем барысы» атанды

Ақтық мәреде Айбек отандасымыз Ерсұлтан Мұзафаровпен жекпе-жекті өткізді. Қызықты жарыс төрт минутқа созылды. Алғашқы минуттарда Ерсұлтан бір ұпай жинап алға шықты, екінші минутта ол өзінің артықшылығын екі есе арттырып, тағы бір ұпай жинады. Алайда, төртінші минутта Айбек жеңісті әдіс жасады.

Жартылай финалда Ерсұлтан Мұзафаров ресейлік Роман Бобиковқа қарағанда күшті болды, ал Айбек Нұғымаров грузин Гурам Тушишвилиді жеңді.

Еске сала кетейік, Алматыда «Әлем барысы» қазақстандық қазақ күресінен абсолютті әлем чемпионаты өтті. Байқауға әлемнің 29 елінен келген спортшылар қатысты.

Stan.kz