Айта кетейік, Президенті алғашқы сұхбатын “Хабар” телернасына орыс тілінде берген еді
“Qazaqstan” телеарнасына берген сұхбатында Мемлекет басшысы Қасым-Жомарт Тоқаев қазақ тіліне қатысты пікірін айтты. Президент алғашқы сұхбатын орыс тілінде бергенін қазақ тілін менсінбеу емес дейді.
“Бұл ешқандай да кемсітушілік немесе менсінбеушілік емес. Осыған дейін көптеген телеарна менен бірнеше рет сұхбат беруді сұраған болатын. Мен олардың ешқайсысына келіскен жоқпын. Кейін тек «Хабар» арнасына ғана сұхбат беремін деп шештім. Себебі ел ішінде көптеген жалған ақпарат тарап жатты, соларға тоқтау салу керек болды. Сол сұхбат орыс тілінде жасалды. Өйткені, Қазақстандағы ахуал жөнінде шынайы ақпаратты ең алдымен әлем жұртшылығына беру керек еді. Содан кейін шетелдік ақпарат құралдары сұхбатты кеңінен таратып, барынша пайдаланды. Оны өзіңіз білесіз. Қалай десек те, орыс тілі – Біріккен Ұлттар Ұйымының алты ресми тілінің бірі. Оны мойындауымыз керек”, — дейді Президент.
Оның айтуынша, қазақ тіліндегі сұхбаттың өз аудиториясы бар.
“Жалпы, мемлекеттің мәселесін мемлекеттік тілде айтуымыз керек. Тіліміз бізден басқа ешкімге керегі жоқ. Сондықтан, ең алдымен, өзіміз ана тілімізге құрмет көрсетуіміз керек деп ойлаймын”, — дейді ол.
