Түркістан облысының әкімі Нұралхан Көшеровтің төрағалығымен 2026 жылдың 17 маусым күні Түркістан облысының әкімдігі жанындағы терроризмге қарсы комиссиясының кезекті мәжіліс отырысы өткізілді.
Жиынға облыстық терроризмге қарсы комиссияның мүшелері мен құзырлы органдардың басшылары, тиісті департаменттердің басшылары және аудан, қала әкімдері қатысты.
Комиссияның белгіленген жұмыс жоспарына сәйкес, Терроризм мен экстремизм бағытындағы алдын алу шараларын ұйымдастыру барысындағы өзекті мәселелер туралы тиісті мемлекеттік органдар мен қала, аудандардың есебі тыңдалып, оңтайлы шешімдер мен жүйелі шараларды үйлестіру мәселесі көтерілді.
Мәжіліс соңында мемлекеттік органдармен жүргізіліп отырған жүйелі жұмыстар мен нәтижелері талқыланып, облыс аумағындағы тұрақтылық тетіктері қорытындыланды.
Отырыста терроризм мен экстремизмнің алдын алу бағытындағы ақпараттық-түсіндіру жұмыстарын күшейту, әсіресе жастар арасында құқықтық мәдениетті қалыптастыру мәселесіне ерекше назар аударылды. Бұл бағыттағы профилактикалық шаралардың тиімділігін арттыру қажеттігі атап өтілді.
Сонымен қатар жергілікті атқарушы органдар мен құқық қорғау құрылымдарының өзара іс-қимылын жетілдіру, ықтимал қауіп-қатерлердің алдын алу үшін ведомствоаралық үйлестіруді күшейту міндеті қойылды.
Жиын барысында өңірлік деңгейде атқарылып жатқан кешенді шаралардың нәтижелілігі сараланып, жауапты органдарға көрсеткіштерді жақсарту және жоспарланған іс-шараларды сапалы орындау тапсырылды.
Алдын алу жұмыстарының негізгі бағыты ретінде халықпен ашық диалог орнату, діни сауаттылықты арттыру және радикалды идеологияларға қарсы иммунитет қалыптастырудың маңыздылығы айтылды.
Мәжіліс қорытындысында облыс аумағында қоғамдық қауіпсіздік пен тұрақтылықты қамтамасыз ету бағытындағы жұмыстар тұрақты бақылауда болатыны және бұл бағыттағы шаралар жүйелі түрде жалғасатыны жеткізілді.
