Бақытжан Сағынтаев «Нұр Отанның» саяси кеңесіне мүше болды

«Нұр Отан» партиясының кезекті XVIII съезі  барысында партияның саяси кеңесінің жаңа мүшелері сайланды, деп хабарлайды ҚазАқпарат тілшісі.

Жаңадан сайланған мүшелердің қатарында еліміздің бұрынғы Премьер-Министрі Бақытжан Сағынтаев, қазіргі Үкімет  басшысы Асқар Мамин, Сенат төрағасы Қасым-Жомарт Тоқаев, Мәжіліс төрағасы Нұрлан Нығматулин, Астана әкімі Бақыт Сұлтанов, Алматы әкімі Бауыржан Байбек, Ақпарат және қоғамдық даму министрі Дәурен Абаев, ҚР Президенті Әкімшілігінің басшысы Әсет Исекешев,  Үкімет басшысының орынбасары Гүлшара Әбдіқалықова, Шымкент  қаласының әкімі Ғабидолла Әбдірахимов, Түркістан облысының әкімі Өмірзақ Шөкеев сынды азаматтар бар.