Шымкент қаласында жазғы мектептің салтанатты жабылуы өтті. Ісшара әйгілі «Менің атым Қожа» фильмінің желісімен ұйымдастырылды, деп жазады қала әкімінің баспасөз қызметіне сілтеме жасаған «ardak.kz» ақпараттық агенттігі.
Бүгін Шымкентте жазғы мектептер өз жұмыстарын ZOOM платформасында онлайн форматта қорытындылады. «Нәтижеге бағытталған жазғы мектеп» атты онкүндік іс-шаралар шеруінің жабылу салтанаты қалдағы Ыбырай Алтынсарин атындағы №65 мектеп — гимназиясында өтті.
Іс-шара «Менің атым Қожа» фильмінің желісімен ұйымдастырылды. Оқушылар білім ұйымындағы спорттық үйірмелерді, STEAM кабинетті, робототехниканы, көркем еңбек галереясын, оқу кабинеттеріндегі жазғы мектеп сабақтарын көріп, сахналық көріністерді тамашалады.
Айта кетейік, 26 мамырдан бастап 19 маусым аралығында ұйымдастырылған жазғы мектептерде қаладағы 184 білім ордасында 121 мыңнан астам оқушы оқытылды. Онда бастауыш сыныптар және 6, 7, 8 бен 9, 10 сынып оқушылары білім алды. Жазғы мектеп оқушыларға білім берудегі олқылықтың орнын толтыруға, сондай-ақ балалардың бос уақытын тиімді өткізуге мүмкіндік берді.
