Президент: Кәсіпкерлер әкімнің соңынан жүгірмеуі керек

608

Аудандық деңгейдегі шағын және орта бизнесті дамытуда әкімдерге жұмыс орындарын көбейту бойынша нақты меже қою керек. Бұл туралы Мемлекет басшысы Қасым-Жомарт Тоқаев Үкіметтің кеңейтілген отырысында мәлім етті, деп хабарлайды Azattyq Rýhy.

Президент жергілікті жерлерде кәсіпкерлердің санын арттыру үшін әкімдердің жұмыс тәсілін өзгертуді тапсырды.

«Аймақтарда жұмыстың алға басуы әкімге байланысты екені рас. Кәсіпкерлік бастаманың жолын кесіп, тежейтін де көбінесе әкімдер. Бұл ащы ақиқат. Тіпті қаржылай көмек бермек түгілі заң аясында әкімшілік көмек көрсетпейді. Мұндай жөнсіздікті шұғыл түрде доғару керек. Аудан әкімдеріне нақты меже қойылсын. Біз енді жұмыс тәсілін өзгертеміз. Кәсіпкерлер әкімнің соңынан жүгірмеуі керек, керісінше әкім инвесторды тартуы қажет», — деді Қасым-Жомарт Тоқаев.