Есірткі жарнамаларының алдын алу бойынша сауда нүктелерінде түсіндірме жұмыстары жүргізілді, деп хабарлайды қалалық полиция департаментінің баспасөз қызметіне сілтеме жасаған ardak.kz ақпараттық агенттігі.
Шымкент қаласының Полиция департаменті Есірткі қылмысына қарсы іс-қимыл басқармасы және Шымкент қаласы «Жастар ресурстық орталығы» КММ-нің ұйымдастыруымен қаладағы сауда нүктелерінде есірткі заттарын насихаттаудың және жарнамалаудың алдын алу бойынша іс-шаралар қолға алынып, тиісінше түсіндірме жұмыстары жүргізілді.
Оның ішінде сатушылар мен сауда иелеріне ашық түрде есірткі заттары бейнеленген киім-кешектерді, тұрмыстық бұйымдарды сатқаны үшін қолданыстағы заңнамаға сәйкес, жауапкершілік қарастырылғаны атап көрсетілді.
Жауапты мамандар аймақ кәсіпкерлеріне жүгініп, адамның сезімі мен түйсіктеріне бейсаналық әсер ететін, есірткі заттарына қызығушылығын қалыптастыратын немесе оларды қолдайтын бейнелер мен жазулары бар заттарды сатуға тыйым салынғанын ескертті.
Есірткі қылмысына қарсы іс-қимыл басқармасының аға жедел уәкілі полиция майоры Бауыржан Карбеков: «Қазіргі уақытта нашақорлық қоғамдық ауқымдағы маңызды мәселе болып тұр. Жастар арасындағы нашақорлықтың алдын алудың бір жолы түсіндірме жұмыстарын жүргізу болып табылады. Сату нүктелерінде адамның түйсігіне бейсана түрінде әсер ететін есірткі заттары бейнеленген киімдер сатпауға шақырамыз», -деп атап кетті.
Шараның мақсаты адамның ой түйсіктеріне кері әсер ететін, есірткі заттарына қызығушылығын туғызатын бейнелер мен жазулары бар есірткі заттарын насихаттаудың және жарнамалаудың алдын алу. Сонымен қатар АИТВ/ЖИТС-тің алдын алу және өз денсаулығына жауапкершілікпен қарап, уақытылы АИТВ/ЖИТС-дан тексеруден өту.
Іс-шара барысында жауапты мамандар аймақ кәсіпкерлеріне жүгініп, адамның ой түйсіктеріне кері әсер ететін, есірткі заттарына қызығушылығын қалыптастыратын бейнелер мен жазулары бар заттарды сатуға тыйым салынғанын түсіндіріп өтті. Оның ішінде сатушылар мен сауда иелеріне ашық түрде есірткі заттары бейнеленген киім-кешектерді, тұрмыстық бұйымдарды сатқаны үшін қолданыстағы заңнамаға сәйкес жауапкершілік қарастырылғанын ескертті.
Алдағы уақытта осы бағыттағы жұмыстар әлі де жалғасын табатын болады.
