Наоми Осака – Австралия ашық чемпионатының жеңімпазы

21 жастағы жапон теннисшісі Наоми Осака Австралия ашық чемпионатының жеңімпазы атанды, деп хабарлайды «SPORTINFORM».

Grand Slam маусымындағы алғашқы турнирдің финалында Осака 28 жастағы чех теннисшісі, жарыстың 8-ракеткасы Петра Квитованы 7:6(2), 5:7, 6:4 есебімен ұтты.

Бұл теннисшілер арасындағы алғашқы бетпе-бет кездесу болатын. Мельбурн кортындағы жетістік Наомиге 2000 рейтингтік ұпай мен $2,911,000 ақшалай жүлде әкелді. Айта кету керек, Наоми үшін бұл – мансабындағы үшінші, Үлкен дулыға турнирлеріндегі екінші титул.

Өткен Grand Slam титулы да Наомиге бұйырғанын атап өткен жөн – ол кезде теннисші қыркүйектегі US Open-ді бағындырған болатын.

Енді Наоми Үлкен шлемде жеңген турнирлерінің саны бойынша өзінің бүгінгі қарсыласымен тең түсті – 2:2 (Квитова Wimbledon-ды екі рет жеңген – 2011 және 2014 жылдары). Дүйсенбіден бастап Наоми Осака әлемнің бірінші ракеткасы ретінде өнер көрсетсе, Квитова әлемдік рейтингте екінші орынға көтерілді.