Еліміздегі ең сұранысқа ие актерлердің бірі Тәуекел Мүсілімнің қазіргі сүйіктісі кім? Мыңдаған қыздың арманына айналған серінің жанкүйерлерін дәл осы сұрақ мазалайды. Ал Тәуекел жүрегіне жол тапқан аруды ресми түрде таныстырмаса да, көпшіліктің ортасында өзімен бірге ертіп жүретін болған. Сонымен Тәуекелдің ғашығы кім?
Бұл туралы НТК арнасының “Ревю” бағдарламасына сілтеме жасап Stan.kzхабарлайды.
“Енді кездесіп жүрген қызым бар. Дегенмен қашан нақты үйленетім әлі белгісіз. Бұйырған күні бүкіл халық біле жатар”, – деді Тәуекел.
Актердің таңдаған сұлуы – Айтұрған есімді 21 жастағы ару. Шоу-бизнес әлеміне ешқандай қатысы жоқ. Ал Тәуекелдің сүйіктісімен актердің жанкүйерлері ғана емес, жақын достары танысып үлгермеген.
“Шынымды айтсам әлі танысқан жоқпын. Бірақ бүгін танысамыз деген ойдамын. Жасырып жүрген жоқ шығар, мүмкін біз үлгермей қалдық жәй ғана танысып”, – дейді актер Олжас Әлжанов.
“Мен таныс емеспін. Мен шыны керек, балдармен көріспегелі екі ай болып қалды”, – дейді Артур Төлепов.
Тәуекелдің сүйіктісімен танысу құрметі, тек Бауыржан Сатовқа бұйырған сынды. Актер жан досын тезірек отау құруына үгіттеп жүрген көрінеді.
“Мен таныспын, иә. Енді айтамыз ғой енді өз ойымызды, кеңесімізді береміз, бірақ Тәуекел енді өзінің ойында жоспары бар. Қалай болатынын, біз айтқанымен ол істемейді оны”, – дейді Бауыржан.
Дереккөз:Stan.kz
