Нұр-Сұлтанда коронавирус жұқтырған 7 адам туралы не белгілі?

647
Нұр-Сұлтанда коронавирус жұқтырған 7 адам вирус анықталған адамдармен байланыста болған. Бұл туралы Денсаулық сақтау министрлігінің ресми өкілі Диас Ахметшәріп мәлімдеді, — деп хабарлайды Tengrinews.kz тілшісі.
«Нұр-Сұлтанда коронавирус жұқтырған тағы 7 адам анықталды. Олар 25-52 жас аралығындағы Қазақстан азаматтары. Олардың барлығы бұған дейін вирус анықталған адамдармен тікелей байланысты болған. Қазір олар стационарда карантинде жатыр. Емделіп жатыр. Жағдайлары жақсы», — деді Диас Ахметшәріп Денсаулық сақтау министрлігінің Facebook желісіндегі парақшасында.
Бүгінде Қазақстанда барлығы 44 адам коронавирус жұқтырған, Алматыда — 19, Нұр-Сұлтанда — 25 адам.
Тағы екі қазақстандық шетелде: біреуі Германияда, тағы біреуі Венгрияда.