Бір алтын, бір күміс: Қазақстан зілтеміршілері Азия чемпионатын сәтті бастады

1480

Бір алтын, бір күміс: Қазақстан зілтеміршілері Азия чемпионатын сәтті бастады

Өзбекстан астанасы Ташкентте өтіп жатқан ауыр атлетикадан Азия чемпионатында Қазақстан қоржынына алғашқы екі медаль түсті, деп хабарлайды Olympic.kz

Ерлер арасында 55 келіге дейінгі салмақта Арли Чонтей чемпион атанды. Ол екі бағдарлама қорытындысы бойынша 255 келіні (115+140) бағындырған. 

Күміс жүлдені тағы бір қазақстандық ауыр атлет Абылай Әуелханов еншіледі. Абылай 244 келіні (108+136) еңсерген. 

Сондай-ақ Зүлфия Чиншало мен Игорь Сон да жүлдеге таласатынын естеріңізге саламыз.