Шымкенттік Роман Агалаков паралимпиада ойындарында бақ сынайды

291
24 тамыз бен 5 қыркүйек аралығында Токиода XVI жазғы Паралимпиада ойындары өтеді. Қазақстан Ұлттық Паралимпиада құрама командасы дүбірлі додаға аттанып кетті.
Отандық спорт тарихында алғаш рет аталған дүбірлі додаға 26 спортшы қатысады. Атап айтқанда, паралимпиадашылар жүзуден 7, дзюдодан 7, пауэрлифтингтен 5, таеквондодан 3, жеңіл атлетикадан 2, каноэден 1 және нысана көздеуден 1 лицензия иеленді.
Байрақты бәсекеде Шымкент қаласының спортшысы Роман Агалаков та бақ сынайды. Жерлесіміз пара жүзуден 25, 26 тамыз күндері жүлдеге таласып көрмек.
Барша спорт жанкүйерлерін отандастарымызға қолдау көрсетуге шақырамыз.