Әлемде ең қауіпті мамандықтын бірі өрт сөндіруші қызметі. Күні ыстық Оңтүстік өңірде, әсіресе, шілде айында өрт шығу қаупі өте жоғары. Сондықтан әрбір өрт сөндірушіден батылдық пен жүректілікті қажет етеді. Өлім мен өмірдің арасында арпалысып жүрген өрт сөндірушілердін құрал-саймандары да әрқашан сақадай сай болу керек. Олардың дайындығы қашан да жоғары болуы тиіс.
Егер бір жерде өрт шыға қалса ең бірінші қоңырау осы өрт сөндіру мекемесіне түседі. Диспетчер бар жағдайды анықтап өрт тым қауіпсіз аймақта болса тек бір өрт сөндіру көлігімен қамтамасыз етеді. Жалпы, өрт сөндірушілер еңбегі ерлікпен пара-пар.
Қостанай қаласында өрт сөндіру-құтқару спорты бойынша Республикалық Жазғы Чемпионатта Шымкенттік спортшы қыздарымыз алдыңғы шепте көрініп, жауынгерлік қанат жаюдан 1-ші орынды, сондай-ақ жалпы командалық есепте 10 команданың ішінен сурылып шығып, тағыда 1-ші орынды қанжығаларына байлады. Спортшыларымызды құттықтаймыз!
