Александр Герлиц Паралимпиада ойындарында қола медаль жеңді

1670
Қазақстандық спортшы Александр Герлиц Бейжіңде өтіп жатқан Паралимпиада ойындарында қола медаль жеңді, деп хабарлайды Stan.kz ақпарат агенттігі.

10 шақырымға биатлон жарысына қатысқан Герлиц нысананы көздеп ату кезінде үш рет мүлт кетті. Ал уақыт бойынша жеңімпаздан бір жарым минутқа кеш келді.

Жарысты канадалық Марк Арендц 31 минут және 45,2 секунд уақытпен жеңіске жетті. Ал украиналық Григорий Вовчинский күміс медаль иеленді.

Александр Герлиц Бейжіңдегі Олимпиада ойындарындағы алғашқы медальдің иегері атанды. Командалық есеп бойынша еліміз 17-орында тұр. Ал бірінші орынға Қытай (8-8-10) жайғасқан.