Қазақстанда жаңа ипотекалық бағдарлама іске қосылады

324

Индустрия және инфрақұрылымдық даму министрлігінің мәлімдеуінше, Қазақстанда жаңа ипотекалық бағдарлама іске қосылады. Бұл туралы Azattyq Ruhy тілшісі LS-ке сілтеме жасап хабарлайды.

Ведомствоның хабарлауынша, Ұлттық банктің базалық мөлшерлемесі 5 пайыздан аспайтын ипотекалық несиелерді субсидиялау жобасын іске қосу жоспарланып отыр.

Негізгі алғышарттар бойынша несие мерзімі 240 айға дейін (20 жыл) болады. Бастапқы төлем сатып алынатын тұрғын үй құнының кемінде 20 пайызын құрауы тиіс. Жылжымайтын мүлікті бастапқы нарықта немесе бірыңғай оператордың кепілдігімен қамтамасыз етілген салынып жатқан ғимараттардан алуға болады.

Несиенің максималды сомасы аймаққа байланысты:

  •  Астана мен Алматыда – 35 млн теңгеге дейін;
  •  Ақтау, Атырау және Шымкентте – 25 млн теңгеге дейін;
  •  Қарағандыда – 20 млн теңгеге дейін;
  •  басқа аймақтарда 15 млн теңгеге дейін.

Бұл несиелер бойынша сыйақы мөлшерлемесінің жылдық 7% -ды құрайды.

«Қазіргі уақытта бағдарламаның шарттары банктермен және мемлекеттік органдармен егжей-тегжейлі талқыланып жатыр және өзгертілуі мүмкін», — деп хабарлады аталған министрлік.

Ведомство Ұлттық банктің ипотекалық несиелендіру нарығынан біртіндеп шығып жатқанын түсіндірді. Осылайша, «Баспана хит» бағдарламасы бойынша 609 млрд теңге, «7-20-25» бағдарламасы бойынша 1 триллион теңге игерілу кезеңінде. Екі бағдарламаға бөлінген сома шегіне жеткеннен кейін ары қарай қаржыландырылмайды.

Сонымен қатар, Қазақстанда танымал ипотекалық бағдарламалардың жабылуына байланысты тұрғын үй нарығында жағдай шиеленісуі мүмкін.

Тұрғын үй құрылысының ағымдағы көлемі кезінде жүргізілген талдау қорытындысы бойынша 2023 жылдан бастап жалпы сомасы 430-450 млрд теңгеге немесе 34-35 мың пәтерге ипотекаға сұраныс жоғары болуы мүмкін.

Ведомство тапшылықтың негізгі себебін банктерде нарықтық ипотеканың болмауымен түсіндіреді.

Сондай-ақ, тұрғын үй сатып алуға алынатын зейнетақы жинақтарының көлемі қысқаруда. Осы себептерге байланысты ипотеканы субсидиялау бағдарламасы әзірленіп жатыр.