Қасым-Жомарт Тоқаев Қырғыз Республикасының Президенті Сооронбай Жээнбековпен кездесті, — деп хабарлайды Тengrinews.kz тілшісі Ақорда сайтына сілтеме жасап.
Қасым-Жомарт Тоқаев өзінің Қазақстан Республикасының Президенті қызметіне ресми кіріскеннен кейінгі алғашқы сапарын Қырғыз Республикасынан бастағанының символдық мәні барын айтып, жылы қабылдағанына ризашылығын білдірді.
![](https://kaz.tengrinews.kz/userdata/images/u257/resized/7166a317a845a3204d75b092227cd52b.jpg)
«Ұлықтау рәсімінен кейін Бішкек қаласында кездесуіміз — жақсылықтың нышаны. Біз жақында Нұр-Сұлтан қаласында кездесіп, екі жақты ынтымақтастықтың бірқатар мәселелерін талқыладық. Біздің қазіргі міндетіміз — сол келісімдерді жүзеге асыру», — деді Қазақстан Президенті.
Қырғыз Республикасының Президенті Сооронбай Жээнбеков Қасым-Жомарт Тоқаевты сайлаудағы жеңісімен құттықтап, бұдан әрі де екі елдің қарым-қатынастарының нығая түсетініне сенім білдірді.
Тараптар алдағы Шанхай ынтымақтастық ұйымы саммитінің күн тәртібі бойынша пікір алмасты.
![](https://kaz.tengrinews.kz/userdata/images/u257/resized/9e6d5b480043c283a7a2555e32117eac.jpg)
![](https://kaz.tengrinews.kz/userdata/images/u257/resized/b2d43832844f2bbdb36a95d6291a02c1.jpg)