Түркістан облысы, Келес ауданындағы Қошқарата және Жамбыл елді мекендерінде жалпы құны 350 млн. теңгені құрайтын мәдениет үйінің құрылысы басталды. Жоспарға сәйкес, нысанның пайдалануға берілу мерзімі келер жылға өтпелі. Сондай-ақ Қошқарата ауылдық округінің Шынар елді мекеніне ФАП құрылысы үшін жобалық-сметалық құжаттары әзірленуде. Тиісті жұмыстар атқарылған соң облыстық денсаулық сақтау басқармасына бюжеттен қаржы қаралуға ұсынылатын болады. Бұдан бөлек, Бәйтерек, Жамбыл-1, Жамбыл-2, Жаңақоныс, Қарабура, Бесауыл, Мақташы, Аманжар, Алғабас елді мекендеріне табиғи газ беру бойынша құрылыс жұмыстары аяқталып, бүгінгі таңда газ беруші мекеме есебінен құжаттарды рәсімдеу жұмыстары атқарылуда.
Түркістан облысы әкімінің баспасөз қызметі
