UFC ресми түрде қазақстандық файтер Шавкат Рахмонов сынға түсетін жартылай орта салмақтағы өкілдердің жаңартылған рейтингін ұсынды, деп хабарлайды Kazinform агенттігі Sports.kz порталына сілтеме жасап.
Рейтингінің жаңа нұсқасында Шавкат үшінші орыннан екінші орынға көтерілсе, Камару Усман бұрынғы орнын сақтап қалды. Аталған дивизионның тағы бір бұрынғы чемпионы Леон Эдвардс бірінші орында тұр.
Рахмоновтың бұрынғы қарсыластары да орындарын ауыстырды – Джефф Нил 10-орынға көтерілсе, Стивен Томпсон 11-орынға төмен сырғыды.
8 желтоқсанда Шавкат Рахмонов (18-0) Лас-Вегаста (АҚШ, Невада штаты) UFC 310 турнирінде ирландиялық файтер Иэн Гэрримен жекпе-жек өткізіп, төрешілердің бірауыздан шешімімен қарсыласынан басым түскен болатын.
Ендігі кезекте Шавкаттың орта салмақтағы UFC чемпионы Белал Мұхаммадпен (24-3) жекпе-жегі өтуі мүмкін. Олардың алғашқы жекпе-жегі 8 желтоқсанда өтетін турнирге жоспарланған еді. Дегенмен америкалық файтердің денсаулығы сыр беріп, қос мықты арасындағы айқас өтпей қалды.
Айта кетейік, Рахмоновтан жеңілгеннен кейін Гэрри жартылай орта салмақ өкілдерінің жаңартылған рейтингінде 7-орынға орналасты.
