АҚШ-та афроамерикалық азамат полицейлердің қолынан көз жұмғаннан кейін жаппай тәртіпсіздік болды

106
Миннеаполис қаласында қарусыз афроамерикалық азамат полицейлердің қолынан қаза тапқаннан кейін АҚШ қалаларында қарсылық шарасына қатысушылар полицейлермен қақтығысты, деп хабарлайды ҚазАқпарат ВВС-ге сілтеме жасап.
Ресми ақпаратқа қарағанда, Миннеаполистің экс-полицейі Дерек Шовин қамауға алынды. Ол тізесін Флойд мырзаның мойнына сегіз минут 46 секунд бойы қойып, оны тұншықтырған. Флойдты жедел жәрдем көлігімен Хеннепин аймақтық медицина орталығына жеткізіп, бір сағаттан кейін оның қайтыс болғаны хабарланған.
Шовин үшінші дәрежелі өлімге айыпталып отыр (күш қолданып, абайсызда өлтіру). Миннесот штатының заңы бойынша мұндай қылмыс жасаған адам 25 жылға дейін бас бостандығынан айырылады. Тағы да үш полицейге қатысты тергеу жалғасып жатыр.
Бірақ бұл қарсылық шараларын тоқтата алмады. Жүздеген адам Вашингтондағы Ақ үйдің алдына жиналып, әділдікті талап етті. Олар Флойд мырзаның суретін көрсетіп, «Мен тыныс ала алмаймын» деп қайталай берді. Бұл Флойдтың соңғы сөзі еді.
Қарсылық шаралары көп штатта жалғасты. Лос-Анджелес, Чикаго, Денвер, Хьюстон, Луисвилл, Феникс, Колумбус пен Мемфисте демонстранттар мен полицейлер арасында қақтығыс болды.
Атлантада қарсылық танытушылар ғимараттарды қиратып, Си-эн-эн телекомпаниясының штаб-пәтеріне жақын жердегі полиция көліктерін өртеді.
Президент Дональд Трамп бұл оқиғаны «өте сұмдық нәрсе» деп бағалап, осылай жалғаса берсе Миннеаполиске арнайы әскер жіберуі мүмкін екенін айтты.

ПІКІР ҚАЛДЫРУ

Пікіріңізді енгізіңіз!
Атыңызды осында енгізіңіз