Атырауда Mergen Fighting Championship — MFC 1 турнирінде Қуат Хамитов украиналық қарсыласын жеңді деп хабарлайды «Адырна» ұлттық порталы Vesti.kz порталына сілтеме жасап.
Қуат Хамитов украиналық Роман Головиновпен жекпе-жекке шықты. Жалпы олардың жұдырықтасуы үш раундқа созылады деп жоспарланыпты. Алайда Хамитов өз қарсыласын қылғындыру арқылы жеңген.
Айта кетсек бұл — «Найманның» (Қуат Хамитов) MMA-дағы 21-ші жеңісі. Бұған қоса ол жеті рет қарсыласынан жеңіліп, бір рет тең түскен.
Енді ол Алматыда ресейлік Мариф Пираевпен жекпе-жекке шығады.
«Адырна» ұлттық порталы
