Шымкент қаласы «Жастар ресурстық орталығы» КММ-нің Аутрич, NEET және жас отбасылармен жұмыс бөлімінің ұйымдастыруымен «Діни экстремизмнің алдын алдын алу» тақырыбында түсіндірме жұмыстары жүргізілді.
Аталмыш шараға Шымкент қаласы бойынша «Ақниет» ақпараттық — насихаттау және оңалту орталығы» ҚҚ аймақтық өкілдігінің басшысы Файзулла Тайтелиев және «Азимед» көпсалалы колледжінің студенттері қатысты.
Теолог маман өз кезегінде студенттерге қазіргі әлемде болып жатқан соғыс, бүлік, түсініспеушілік, айыпталулардың негізгі себебі – білімсіздік екенін атап өтті. Өз тәжірибесінде қаншама жат ағымдардың жетегінде кеткен адамдармен кездесіп, түсіндіру жұмыстарын жүргізу барысында ол адамдардың діни сауатсыз екендігін жеткізді. Сондай–ақ ата-анаға құрмет көрсетудің маңыздылығы дінімізде де, салтымызда да жоғары екенін жастарға түсіндірді.
Сөз соңында студенттер теолог маманға көкейтесті сұрақтарын қойып, толыққанды жауап алды.
