ТӨЛЕБИ АУДАНЫНДА ДІНМҰХАММЕД ҚОНАЕВТЫҢ ЕСКЕРТКІШІ АШЫЛДЫ

1260
Төлеби ауданы Жоғарғы Ақсу ауылдық округі Сарқырама елді мекенінде Социалистік Еңбек Ері, ғұлама ғалым, академик – Дінмұхаммед Ахметұлы Қонаевтың 110 жылдығына орай ескерткіші ашылды.
Алқалы жиынға ел ағалары, қоғам қайраткерлері мен зиялы қауым өкілдері арнайы келіп қатысты. Жиын барысында ҚР Парламенті Мәжілісінің депутаты Дархан Мыңбай, Түркістан облысының Құрметті азаматтары Әбдіжаппар Оңалбаев, Исмат Тұрсынқұлов, Шәріпбек Жамалбек құттықтау сөз сөйлеп, кемеңгер тұлғаның өмір жолы жайлы айтып, еңселі ескерткішті салтанатты түрде ашып берді.
 Түркістан облысы Қоғамдық кеңесінің төрағасы Байділдә Жылқышиев, мемлекет қайраткері Асқар Мырзахметов, Оңтүстік Қазақстан облысының Құрметті азаматы Әбілқасым Досболов, аудан әкімі Төлеген Телғараев ескерткішке гүл шоқтарын қойып, тағзым етті.
Айта кетейік, «Атамекен» корпорациясы» ЖШС-нің директоры Мұрат Төлтебаевтың демеушілігімен бой көтерген қоладан жасалған ескерткіштің жалпы биіктігі 5 метрді құрайды. Ескерткіш орналасқан орталық көшеге Дінмұхаммед Ахметұлының есімі берілді.
Төлеби ауданы әкімінің баспасөз қызметі