Ата заң баптарының үштен бірі өзгереді

984

Конституциямыз мүлде жаңа сипатқа ие болады

Ата заң баптарының үштен бірі өзгереді. Бұл туралы Мемлекет басшысы референдумға байланысты бейнеүндеуінде айтты, деп хабарлайды Azattyq Rýhy.

«Жұмыс тобы Негізгі заңға енгізілетін өзгерістер мен толықтырулардың жобасын әзірледі. Оны мұқият зерделеп, Конституциялық кеңеске жолдадық. Бұл орган өз қорытындысын ұсынды. Құжат жобасы Ата заң нормаларына сай келеді. Біз конституциялық реформаның шешуші кезеңіне қадам бастық. Енді Негізгі заңды өзгертуіміз керек. Шын мәнінде, мұның ел тағдыры үшін айрықша мәні бар. Ата заң баптарының үштен бірі өзгереді. Ашығын айтсақ, Конституциямыз мүлде жаңа сипатқа ие болады. Сол себепті, мен республикалық референдум өткізу туралы бастама көтердім. Өйткені, мұндай ауқымды өзгеріс бүкіл халықтың шешімімен жүзеге асырылуға тиіс», — деді Қасым-Жомарт Тоқаев.