Салоннан көлік сатып алғанда, автодилер аксессуарды қоса алуға мәжбүрлей ала ма

947
Жаңа автокөлік сатып алғанда, салондарда қосымша қызметтерді, құрылғыларды немесе аксессуарларды қоса алуға мәжбүрлейтіні жасырын емес. Алматы қаласының прокуратурасы автосалондардың осы әрекетінің дұрыс-бұрыстығын талдап берді, деп хабарлайды Zakon.kz.

Прокурорлар автосалондардың мұндай әрекеті заңға қайшы екенін анықтады.

Қазақстан Республикасы Конституциясының 26-бабына сәйкес монополиялық қызмет заңмен реттеледі және шектеледі. Жосықсыз бәсекелестікке тыйым салынады. «Тұтынушылардың құқықтарын қорғау туралы» Қазақстан Республикасы Заңының 8-1-бабына сәйкес cатушы (орындаушы, дайындаушы) тұтынушымен жасалған шарттарға тұтынушының құқықтарын бұзатын және (немесе) оларға қысым жасайтын талаптарды енгізбеуге тиіс.

Заңның 28-бабына сәйкес сатушы (дайындаушы, орындаушы) тұтынушыға тиісті сападағы тауарларды (жұмыстарды, көрсетілетін қызметтерді) тұтынушыға ыңғайлы уақытта еркін таңдауды қамтамасыз етуге міндетті. Тұтынушыны қажетсіз мөлшерде және (немесе) ассортиментте өнімді (жұмысты, көрсетілетін қызметті) сатып алуға мәжбүрлеуге тыйым салынады.Алматы қаласы прокуратурасының баспасөз қызметі

Ведомство өкілдеріның айтуынша, белгілі бір тауарларды (жұмыстарды, көрсетілетін қызметтерді) сатып алу кезінде міндетті түрде басқа тауарларды (жұмыстарды, көрсетілетін қызметтерді) сатып алуға шарт қоюға тыйым салынады.