«Қалың қалай, бастауыш ұйым» және «Мектепке жол» акциялары аясында «Қызмет» салалық кәсіподағы Шымкент қалалық филиалының мүшелік ұйымы — Шымкент қаласының Абай ауданы әкімі аппаратының «Абай» коммуналдық мемлекеттік мекемесінің кәсіподақ мүшелерімен кездесу өтті.
Кездесуге «Қызмет» салалық кәсіподағы Шымкент қалалық филиалының төрағасы Серік Елемесұлы Әуесханов қатысып, мекеменің басшысы Кегенхан Базарханұлы Атамқұлов және бастауыш кәсіподақ ұйымының төрағасы Мұхтар Ибатбекұлы Бейсен бірге жұмыскерлердің қал-жағдайларымен танысты.
Кездесу барысында еңбек қатынастары, еңбек және техника қауіпсіздігі мәселелері бойынша түсіндірме жұмыстары жүргізіліп, кәсіподақтар қызметінің жұмыстарнан хабардар етілді.
Жиын қорытындысында мекеменің басшысы Кегенхан Базарханұлы мен салалық кәсіподақ филиалының төрағасы Серік Елемесұлы жұмыскерлерді Қазақстан Конституциясына 30 жыл толу мерекесімен құттықтап, жұмысшыларға Абай ауданы әкімінің, Абай ауданы әкімі аппаратының «Абай» коммуналдық мемлекеттік мекемесі басшысының «Алғыс хаттарын» және қалалық к»сіподақ филиалының «Еңбек озаты» төсбелгілерін, «Құрмет грамоталарын» мен «Алғыс хаттарын» салтанатты түрде тапсырды.
Дәстүрлі «Мектепке жол» акциясы аясында мекеме жұмыскерлерінің мектепке баратын 120 оқушы балаларына арналған арнайы оқу құрал-жабдықтары жұмысшы ата-аналарға табысталды.
Сонымен қатар, «Қалың қалай, бастауыш ұйым» және «Мектепке жол» акциялары аясында өткізілген бұл кездесу қатысушылар арасында әлеуметтік жауапкершілікті арттыруға және жұмысшылар мен олардың отбасыларына қолдау көрсетуге бағытталған маңызды шара болып табылды. Кәсіподақ ұйымдарының белсенді қатысуымен ұйымдастырылған іс-шаралар еңбек ұжымындағы ынтымақтастықты нығайтып, балалары мектепке жаңа оқу жылына дайындалатын отбасыларға нақты көмек көрсетілді. Мұндай қайырымдылық акциялары әрі қарай да жалғасын тауып, қоғамдағы әлеуметтік әлсіз топтарға қолдау көрсетуге септігін тигізеді.
