Биылғы жылдың үш тоқсанында Қазақстаннан 34,2 мың адам көшіп кетті, бұл өткен жылдың сәйкес кезеңімен салыстырғанда (31,6 мың адам) 8,3%-ға көп, деп хабарлайды Zakon.kz Ranking.kz-ке сілтеме жасап.
Сонымен бірге, Қазақстанға бар-жоғы 8 мың адам келді. Бұл бір жыл бұрынғыдан 14,4% -ға аз (9,3 мың адам). Осылайша теріс көші-қон сальдосы 26,2 мың адамға артты.
Қазақстаннан көбінесе қала тұрғындары қашып жатыр 28,8 мың адам немесе кеткендердің жалпы санының 84,1%. Ауылдан 5,4 мың адам көшіп келді.
Сыртқы көші-қонның ең маңызды теріс сальдосы 16 жастан бастап зейнеткерлік жасқа дейінгі қазақстандықтар арасында байқалды — 17,4 мың адам (23,6 мың адам кеткен, 6,2 мың адам келген). 15 жасқа дейінгі балалардың көші-қонының теріс сальдосы 8 мың адамды құрады (9,1 мың адам шықты, 1,1 мың адам келді).
Қазақстандықтардың дені Ресейге кетті: 2019 жылдың тоғыз айында 30,4 мың Ресейге тартты. Ал Ресейден келгендер саны 2,2 мың адамды құрады. Қазақстандықтар таңдайтын екінші мемлекет – Германия екен. Ол елге 2,1 мың адам кеткен. Беларусь елі үздік үштікті аяқтайды, 297 қазақстандық осы елге кетті.
Сондай-ақ, алғашқы бестікке 220 адам кеткен Өзбекстан және 190 адам көшіп кеткен АҚШ кірді. Қазақстандықтар сонымен бірге Қырғызстанға, Израильге, Қытайға, Түркияға және Канадаға жиі кетеді.
Ал Қазақстанға көшіп келіп жатқандар негізінен Өзбекстан (2,9 мың адам), Ресей (2,2 мың адам) және Қытай (686 адам) тұрғындары.
Өңірлік тұрғыдан алғанда, ең бірінші Шығыс Қазақстан (5,4 мың адам), Қарағанды (4,8 мың адам) және Қостанай (4,3 мың адам) облыстары тұр. Ең көп адам кеткен ТОП-5 аймаққа Павлодар (4,2 мың адам) және Солтүстік Қазақстан (3,3 мың адам) облыстары кірді.
Көші-қонның оң сальдосы елдің үш аймағында ғана байқалады, оның ішінде Шымкент (293 кетті, 622 адам келді), Алматы облысында (1155 кетті, 1456 келді) және Түркістан облысында (196 кетті, 261 келді).
