Шымкент қаласының прокуратурасында Отан қорғаушылар және Жеңіс күндері мерекелеріне арналған салтанатты жиын ұйымдастырылды.
Іс-шараға қалалық ардагерлер кеңесінің төрағасы, прокуратура органдарының ардагерлері және қызметкерлері қатысты.
Жиынды ашқан қала прокуроры М.Қожабаев прокуратураның ардагерлерлері мен әріптестерін Жеңістің 74-жылдығымен шын жүректен құттықтады.
«Біз бұл күні Ұлы Отан соғысы ардагерлері, ерлік пен батылдықтың өлшеусіз үлгісін көрсеткен барлық қазақстандықтар, отты жолдарымен өткен ержүрек жауынгерлер алдында тағзым етеміз» — деп сұрапыл соғыста қаза тапқан ардагерлерді дәріптеу мақсатында үнсіздік жариялады.
![](https://ardak.kz/wp-content/uploads/2019/05/DSC9068.jpg)