Өмірдің 30 қағидасы

1049
Өмір – сырға толы, қызық әлем. Жүрекке бірде қуаныш сыйлап, шаттандырса, бірде еріксіз мұңға бөлейді. Әркімнің өз қағидасы болады. 
1. Өзіңізге қателесуге мүмкіндік беріңіз. Мүмкіндікті жіберіп алсаңыз да, одан алуға болатын өмірлік сабақтарды жібермеңіз. Қателіктер толықтай жетіліп, тұлға болып қалыптасуға көмектеседі.
2. 3 минуттан да аз уақыт алатын жұмысқа тап болсаңыз, бірден орындап тастаңыз. Оны кейінге қалдырмаңыз.
3. Шешімдерді тек қана өзіңіз қабылдаңыз. Өзгелердің жетегінде жүрудің қажеті жоқ.
4. Сіздің күлімсірегеніңізге қарап бақыттың құшағында жүрген жандар бар. Осыны есіңізде сақтаңыз.
5. Саяхаттаңыз! Жылына екі рет бұрын соңды барып көрмеген жерлерге барыңыз. Саяхаттардың арқасында өзіңізге не керегін анықтауыңызға болады.
6. Адамдар мен алдамшы сәттерді босата біліңіз. Болған іс болды, тек оның өтіп кеткендігін қабылдауыңыз қалды. Босатуға қиналсаңыз өзіңізге «Бұның мен үшін 5 жылдан кейін маңызы бар ма?» деген сұрақты қойыңыз.
7. Тұлға болып қалыптасуға тырысыңыз. Өзгелермен емес, тек өзіңізбен ғана жарысыңыз.
8. Сыртқы көрінісіңізге мән беріңіз. Әрдайым жаңа кездесулер мен жаңа жетістіктерге дайын болыңыз. «Бүгін кездесуге дайын емеспін. Ертерек айтқаныңызда жақсылап дайындалып келетін ем» секілді сөйлемдерді айтпаңы
9. Тағдырға өкпелеп, назыңызды айтпаңыз. Жәй ғана орындалуы тиіс іс-әрекеттерді орындаңыз.
10. Медитация жасап үйреніңіз. Ол босаңсып, ойды жинақтауға көмектеседі.
11. Жоспарыңыз ойыңыздағыдай болмай қалса да, күлімсірей біліңіз. Кейде жоспардың бұзылуының да пайдасы тиеді.
12. «Жоқ» деп айтып үйреніз. Ұсыныстан бас тартудан қорықпаңыз.
13. Әрбір айтқан сөзіңіздің өзгеге де, өзіңізге де пайдасы тиетіндігіне мән беріңіз. Абай атамыз өсиет еткендей өсек, өтірік,мақтан сөзден аулақ болыңыз. Айтарға ештеңіз болмаса, жәй ғана үндемеңіз.
14. Шешімді қабылдамас бұрын ойланып алыңыз. Маңыздылығына да мән беріңіз.
15. Әр аптаның соңында мына сұрақтарға жауап беріңіз: «Өткен аптада не үйрендім?», «Қандай жетістікке жеттім?», «Осы апта өткізген сәттерімнің ең бағалысы қайсысы?», «Уақытымның бос кеткен сәттері болды ма?»
16. Тәуелсіз бола біліңіз. Бақытыңыз тек ғана өзіңіздің қолыңызда.
17. Өзіңізді де өзгелерді де сыйлай біліңіз. Адам өзі таңдайды. Өзіңізге қатысы жоқ істерге араласпаңыз. Өзгенің өміріне сөзіңізбен де кіріспеңіз.
18. Өзіңіз көмектесе алмайтын істерге уайымдаудың қажеті жоқ.
19. Таза ауада күнде жүріңіз. Серуендеріңіз ауа райы мен көңіл-күйге тәуелсіз болсын.
20. Армандар мен идеяларға сеніңіз. Олардың кейбіреуі орындалып қойған да шығар.
21. Әр адамның бойында бұғып жатқан талант болады. Оны оятуды ұмытпаңыз.
22. Сөзіңіз бен іс-әрекеттеріңізге 100 пайыз жауап беріңіз. Сөздеріңіздің алапат күші бар. 2
3. Адал болыңыз. Адамдарға, өзіңіздің таңдауларыңызға адалдық танытыңыз. «Адалдық туа біткен қасиет емес, бар болғаны — шешім».
24. Біреуге ашуланып тұрсаңыз, жауап қайтармас бұрын жоқ дегенде 24 сағат күтіңіз.
25. Денсаулығыңызды күтіңіз. Ол біреу-ақ. Алдағы жоспарларыңызды орындауға ол міндетті түрде қажет. Медитация мен спорттың көмегі зор. Оны тексеріп көріңіз!
26. Жан дүниеңізді тыныштыққа бөлеңіз. Адамның шынайы болмысы жүрегінде жатыр.
27. Өткенді өтті деп қабылдаңыз. Ол енді жоқ және қайтып келмейді. Орнына сабақ алып, ілгері жылжыңыз.
28. Басымдылығыңызды танытыңыз. Әр нәрсенің өз орны бар.
29. Қорқыныштарыңызды жеңе біліңіз. Қорқыныш дегеніміз жәй ғана жасандылық.
30. Ешқашан берілмеңіз! Батылдық пен табандылық үлкен жетістіктерге жеткізеді.
Қарлыға Бүйенбай